فضفضة

اليوم ناوي أفضفض بس حاب أتكلم عن شيء بصراحة سببلي غصة خفيفة بالقلب مع انه ما مستاهل الكثير ولكنه شاغل تفكيري لسبب وحدي ما فاهمه

أولا انا من النوع الحساس في نقطة فرض نفسي على الاخرين بمعنى اني اذا تواصلت مع اي حد أخ زميل صديق وشفت ما في تجاوب مرة مرتين ثلاث مرات وانه في طناش انسحب من نفسي أفضل اني اذا مريت في خاطرهم يتذكروني بالخير ويقولوا فلان والنعم فيه ولا يقولوا فلان يلعن اليوم الي عرفته وعطيته رقمي :-)

ما اقصد بكلامي هذا اني معصب او زعلان او حتى متضايق من هالحركة بالعكس أعطيهم كل الاعذار وألوم وأحاسب نفسي يمكن أنا ثقيل عليهم ويمكن غلطت في حقهم عن قصد او بدون قصد والناس أطباع ممكن ما عجبتهم وممكن في نظرهم أنا ممل وممكن أشغالهم وأعمالهم الخاصة ماخذتنهم وووووو أسباب كثيرة ما راح ألومهم عليها

طبعا مرات الواحد يحب يعرف الاسباب وليش والافضل المصارحة عشان الكل يرتاح ولا التطنيش ولكن مثل ما قلت كل واحد وحالته ومزاجيته

صدقوني وبدون تجمل ما أحقد على أحد وبقلبي كل المحبة لهم ويكفيني شرف اني تعرفت عليهم وبدون نفاق راح أرد عليهم متى ما فكروا يكلموني :-)